Amir Rrahamni mbetet një nga lojtarët që ka qënë protagonist këtë sezon te Napoli. Ai dha një intervistë për Radio Kiss Kiss, ku u pyet për kritikat e tifozëve, por jo vetëm.
“Kritika për gabimin e vitit të kaluar në Udine? Besoj se reagimi dhe mendimet për mua kanë qenë për faktin se jam kosovar. Vendi im nuk është i famshëm për futbollin dhe ata priren të më harrojnë. Scudetto? Nuk po flas për këtë, jam bërë supersticioz”- tha ai. Mbrojtësi 27 vjeçar ka luajtur 20 ndeshje këtë sezon, ku ka shënuar 3 gola. Ky është edicioni i 3-të në Napoli.