Elis Bakaj iu bashkua pak ditë më parë kroatëve të RNK Split, aty ku gjeti dhe një tjetër futbollist që ka luajtur në Shqipëri, kosovarin Amir Rrahmani. Ky i fundit ishte i grumbulluar me Kombëtaren, por nuk u përfshi në listën e 23 të përzgjedhurve për 3 ndeshjet që u luajtën në grup. Megjithatë, futbollistët janë parë dhe fotografuar në autobusin e RNK Split. Ata ndodhen të ulur së bashku në autobus, çka do të thotë se nuk ndahen nga njëri-tjetri.
