Fakti që Ronaldo ende nuk ka shënuar me Juventusin në 3 javë kampionat po kthehet në një shqetësim të madh për tifozët. Bardhezinjtë arritën të merrnin fitoren e tretë në tre takime të Serisë A. Portugezi nuk ndihet ende i familjarizuar me ambjentin italian të futbollit dhe për këtë arsye Allegri është i ndërgjegjshëm.
” Futbolli italian paraqet probleme të ndryshme dhe kërkon kohë. Do të jemi më të freskët pas pushimit dhe atëherë është momenti kur fillon sezoni. Serie A është një ligë ku ekipet mbrohen me shumë kujdes. Nuk dua të them se është më e mirë se kampionatet e tjera në Europë. Le të themi se ekipet janë shumë të forta në mbrojtje dhe trajnerët janë shumë të zotë”, deklaroi pas fitores së vështirë ndaj Parmës Allegri.