Ultrasit e Romës që vendosen në pozicionin e etiketuar si "Curva Sud" në "Olimpico" nuk do të pozicionohen as sot në këtë sektor të impiantit sportiv të kryeqytetit italian në sfidën kundër Napolit.
Tifozët verdhekuq vazhdojnë protestën e tyre për vendimin e vendosjes së barrierave në këtë sektor.
Por, para ndeshjes së sotme kundër Napolit që do të luhet në 15:00 në "Olimpico", tifozët e Romës i kanë bërë një surprizë të bukur ekipit të tyre duke marrë pjesë në seancën stërvitore në "Trigoria".
Rreth 1 mijë ultras romanë kanë mbushur sot në mëngjes, shkallët e kompleksit stërvitor të Romës për t'i dhënë zemër skuadrës së tyre para sfidës delikate ndaj një rivali direkt.
Klubi i Romës ka hapur portat e "Trigoria-s", ndërsa tifozët pasi kanë krijuar një atmosferë elektrizuese kanë hapur një banderolë ku shkruhej: «Stadiumi është bosh, 'Curva Sud' është këtu për ju'.
Lexo gjithashtu
