Rifillimi i Serie A vazhdon të diskutohet lart e poshtë në Itali. Ka nga ata që janë pro futbollit të luajtur, por për disa gjithçka ka mbaruar, të paktën për këtë sezon. Presidenti i Sampdorias, Masimo Ferrero është skeptik dhe për këtë e ka një sqarim. Ferrero njihet botërisht për natyren e tij kontraverse ku shpreh mendimin e tij.
“Personalisht mendoj që kampionati është i mbyllur. Edhe lufta për titull është kapitull i marrë fund. Lottito do më urrejë por për mua vlen renditja aktuale. Të mendojmë për sezonin tjetër, ajo që ka kaluar s’ka përse të flitet. Vitin tjetër, Serie A do jetë po ajo” – shprehet Ferrero. Ky është një opinion personal, pasi besohet se futbolli në Itali do kthehet brenda sezonit. Sipas llogaritjeve, muaji maj është vendimtar. Deri atëherë, nuk na mbetet gjë tjetër veçse të presim e të shohim.