Në sfidën e ditës së sotme mes Shqipërisë U-19 dhe Ukrainës U-19, një ndër lojtarët që spikati më shumë, ishte portieri i kuqezinjëve, Pano Qirko.
Qirko priti një penallti në takimin që përfundoi me rezultatin 1-0 në favor të kundërshtarëve.
Portieri i Flamurtarit, i pyetur nga Newsport.al, tregon për ndeshjen e sotme, shanset e Shqipërisë në grup, si dhe për të ardhmen e tij.
-Pano, i ke specialitet penalltitë, apo sot i kuptove krahun ukrainasit?
Të them të drejtën kam pritur penallti edhe herë të tjera, por sot kam kuptuar krahun.
-Sa mendoni se jane shanset reale të Kombëtares U-19 për të kaluar grupin?
Për paraqitjen që bëmë sot, më vjen keq që nuk morëm pike, luajtëm mirë edhe pse Ukraina ka ekip me nivel te lartë. Madje luajtëm më mirë se ata, pavarsisht se humbëm, por kjo është dhe çështje fati dhe shpresoj të kemi fat në ndeshjet e tjera.
-Kë shihni si konkurrentin më të fortë në grup?
Besoj se është Ukraina, por edhe Norvegjia nuk ngelet pas. Gjithsesi ne nuk kemi frikë asnjë ekip, do të japim më të mirën tonë, përballë çdo kundërshtari.
-Je vetëm 18 vjeç dhe ke një nivel mjaft të lartë, ku e shikon veten në të ardhmen?
Të them të drejtën nuk e di, jam në kontratë me Flamurtarin, por pse jo në të ardhmen shpersoj që të lëviz te ndonjë ekip i madh europian. Gjithsesi është dhe çështje fati, por unë do të përpiqem duke dhënë më të mirën time.
-Dakord Pano, ke ndonjë gjë për të shtuar apo ndonjë mesazh?
Po doja të ftoja tifozët që të na mbështesin sa më shumë, sepse ata janë lojtari i 12 i Kombëtares.
-Shume faleminderit për intervistën Pano, suksese në karrierë!
Faleminderit juve, gjithashtu!
Lexo gjithashtu
