Qendërmbrojtësi kuqezi në listën e lojtarëve shpërthyes të Euro2016

Arlind Ajeti gjatë ndeshjes Rumani – Shqipëri 1-0

UEFA po bën “skanimin” e lojtarëve që u aktivizuan në Europian ku si fillim shpalli lojtarin më të mirë të kampionatit dhe më pas formacionin më të mirë. Më pas ka ardhur dhe radha për të gjetur talentin e këtij kompeticioni, ku kanë listuar disa emra mes tyre dhe Arlind Ajetin, i cili është cilësuar si lojtar që shpërtheu në këtë edicion.

Qendërmbrojtësi kuqezi e ka gjetur veten i gjashti në listë, në të cilën kanë qenë Robson Kanu, Nolito, Guerriero e disa emra të tjerë. Tashmë Ajeti ka firmosur në Serie A me Torinon, ndërsa vlera e kartonit të tij pas Europianit është rritur.