Herbert Hainer, president i Bayern, në një intervistë për BR24 Sport ka bërë me dije se klubi nuk do e ndërpres kontratën me Manuel Neuer. Ai është pyetur nga gazetarët mbi komentet e Neuer ku ka kritikuar klubin.
Kujtojmë se kapiteni i bavarezëve dha një intervistë për “The Athletic” ku shprehte pakënaqësinë e tij ndaj Bayern për shkarkimin e trajnerit të portierave Toni Tapaloviç. Hainer deklaroi se kjo nuk influencon aspak tek e ardhmja e portierit. Në një rast të ngjashëm Manchester United e ndërpreu menjëherë kontratën me Cristiano Ronaldo pas intervistës ku kritikonte klubin.
“Prandaj ne jemi FC Bayern Munich”, thotë Hainer. “Tek Bayern ne gjithmonë i qartësojmë këto gjëra së brëndshmmi. Këto gjëra e bëjnë Bayern të fortë dhe të veçantë”, shton ai.
Për komentet e tij, Neuer u kritikua nga Oliver Kahn dhe drejtori sportiv i klubit Salihamidzic.
