Safet Gjici në sezonet e fundit të Superiores ka qenë presidenti që ka shpenzuar shumë para me skuadrën, por edhe që është treguar korrekt. Kjo nuk është vërtetuar vetëm nga fjalët, por edhe nga puna që ai ka bërë me ekipin, por edhe me arritjet në çdo fundsezoni. Kukësi prej katër vitesh nodhet në Europa League, ndërsa nuk ka arritur të kualifikohet në fazën në grupe.
[caption id="attachment_13543" align="alignleft" width="300"]
Stërvitja e fundit e Kukësit në Nikshiq[/caption]
Qëllimi i këtij viti është që të kalojnë në grupe, por përpara kanë një sfidë të vështirë me Rudar, pas barazimit të arritur në “Elbasan Arena”, por edhe dy ndeshjet që do të luajnë kundër Austrisë së Vjenës në raundin e dytë eliminator të Europa League.
Por, vëmendja është përqëndruar në takimin e nesërm që do të luhet në stadiumin e Nikshiqit. Lojtarët duan të japin maksimumin, ndërsa kanë një shtysë të madhe financiare. Presidenti Safet Gjici iu ka komunikuar lojtarëve se do të shpërblehen me 100 mijë euro nëse kalojnë në raundin e dytë eliminator. Ky fakt është pohuar nga burime zyrtare pranë klubit për “newsport.al”.
Lexo gjithashtu
