Një lajm i bujshëm vjen nga Anglia teksa nxirret në “dritë” një skenar që mund të çojë në divorcin e parakohshëm të Cristiano Ronaldos me Juventusin. “Daily Mail” ka bërë një llogaritje të thjeshtë ku tregohen fitimet e portugezit me fanelën e Juventus. Ai ka një kontratë me “Zonjën e Vjetër” deri në qershor të 2022-shit, prej nga ku fiton rreth 30 milionë euro në sezon.
Por, situata e krijuar nga Coronavirusi ka bërë që të gjithë klubet të ulin rrogat e lojtarëve të tyre. Nëse ylli portugez nuk do të pranojë, raportet mes tij dhe presidencës së Juventus do të ftoheshin duke sjellë edhe largimin e tij nga Torino. Ulja e pagave do t’i kursejë “Zonjës së Vjetër” rreth 100 milionë euro për 4 muaj.
Cristiano do të humbë rreth 10 milionë euro nga pagat e tij në 4 muajt e ardhshëm. Por, nëse do t’i kërkojë Juventusit pjesën e sipërpërmendur, padyshim që drejtuesit do të ishin të detyruar ta nxjerrin në shitje. Duhet theksuar se hë për hë, s’ka asgjë zyrtar. Ky është një skenar që vjen nga Anglia.
Loading ...
