Superiorja ka ulur siparin për dy fazat e para, teksa lojtarët kanë marrë pushimet e dimrit. Kështu ka ndodhur edhe me Marko Radasin, i cili e ka festuar këtë fundvit pranë familjes së tij, por me postime të çuditshme në llogarinë e tij në Instagram. Kroati ka postuar një foto me sulmuesin e Kukësit, për të cilin shkruan në diçiturën e fotos: “Shokë shumë të mirë përgjithmonë. Pero të dua shumë”.
Siç duket të dy lojtarët kanë një miqësi të ngushtë, dhe qendërmbrojtësi i Skëndërbeut nuk ka ngurruar të shprehë publikisht dashurinë shokut të tij. Të dy luajnë në Superiore, por janë kundërshtarë. Pero Pejiç titullar i padiskutueshëm te Kukësi, por gjithashtu edhe Marko Radas i pazëvendësueshëm te kampionët e Skënderbeut.