Stefano Pioli ka folur pas shortit të Champions League, aty ku mësoi që Milani i tij do të përballet me Tottenham në kuadër të fazës së 1/16-ve.
Trajneri kampion ka dalë në një konferencë për shtyp ku ka analizuar verdiktin e goglave. Ai vlerëson maksimalisht “Spursat” dhe para gazetarëve ka thënë:
“Do të jenë dy ndeshje të vështira, kundër një kundërshtari të fortë, të drejtuar nga një trajner i madh që na njeh mirë. Në raundin e dytë është e paimagjinueshme të gjejmë kundërshtarë të lehtë, por ne përgatitemi për të më së miri. : Do të jetë një kundërshtar stimulues, do ta luajmë me cilësitë tona, me besim”.
- A do të kthehet Ibrahimovic me Tottenham?
Ne të gjithë shpresojmë që Zlatan të kthehet me ne sa më shpejt të jetë e mundur, rikuperimi po përparon mirë. Pastaj le të shohim në shkurt. Në Champions League ajo që ka rëndësi është momenti që të arrish atje, ka ende shumë kohë: ne duhet të fokusohemi për nesër.
- Çfarë mendoni për Conte?
Ai është një trajner i madh, i cili ka fituar kaq shumë kudo. Ai i jep një identitet të qartë dhe një mentalitet të madh ekipit të tij; Tottenham është shumë kompakt dhe i rregullt me individualitete shumë të forta, si Kane, Son, Kulusevski, Perisic, me shumë njerëz që njohin Milanin dhe futbollin italian. Në letër mendoj se mund të jetë një sfidë e balancuar.
Lexo gjithashtu
