Kombëtarja shqiptare e U-21 nuk shkoi më shumë se barazimi pa gola ndaj Finlandës, sfidë kjo e zhvilluar në “Air Albania”. Pas këtij barazimi bëhet më i vështirë kualifikimi në Europian për vititn e ardhshëm për këtë grupmoshë.
Pas kësaj ndeshje Alban Bushi theksoi se Shpresat shpërdoruan disa mundësi për gol. Shpendi, Paraziti dhe Berisha duhej të ishin më të saktë në finalizim.
“Pika vlen gjithnjë, sepse është grup i ekuilibruar. Deri në fund ekipet do të jenë aty-aty. Duhej ta kishim fituar ndeshjen, i kishim të gjitha mundësitë. Finlanda është ekip i fortë, kishim bllokuar të dy krahët që të mos na kapnin me topa pas shpine dhe ia dolëm. Dua t’i falënderoj çunat, sepse në pak ditë ndryshuam gjithë skemat. Ndeshja e radhës me Zvicrën është vendimtare. Nëse fitojmë, rriten pretendimet. Mendoj se çaloi sulmi, ku duhej të ishim më altruistë. Mbrojtja më pëlqeu”,ka theksuar timonieri i U-21.
Lexo gjithashtu
