Lazio I shkaktoi humbjen e parë Juventusit këtë sezon, teksa e mposhti 3-1 në “Olimpico”. Bardhezinjtë e dejtuar nga Sarri nuk ia dolën të rimernin vendin e parë, që mbahet me dy pikë më shumë nga Inter. Për trajnerin e “Zonjës” dhemb më shumë kjo humbje pasi erdhi me përmbysje. Në intervistat e dhana pas ndeshjes, italiani u ankua për kartonin e kuq të Kuadrados, duke u shprehur se për të ai nuk duhej dhënë.
“Pjesa e parë ishte e mirë, zhvilluam një lojë të kënaqëshme duke gjetur edhe avantazhin. Kishim rastet për të dyfishuar, por për fat të keq pësuam në minutat shtesë. Për mua edhe pjesa e dytë kishte ekuilibër, deri në momentin që ndryshuan balancat e lojës me daljen e Kuadrados me karton të kuq. Jemi keq në mesfushë sepse kemi dëmtime, çka kushtëzon zgjedhjet tona. Nëse situata vijon e njëjtë do të hyjmë në merkaton e janarit, pasi të verifikojmë kontigjentin aktual”, mbylli deklaratën e tij Maurizio Sarri.
