Francesco Acerbi është kthyer në një nga lojtarët më të përfolur në Itali që pas ndeshjes që Interi zhvilloi me Napolin. Mbrojtësi ofendoi me nota raciste lojtarin e napolitanëve, Juan Jesus dhe për këtë Federata Italiane e Futbollit vendosi ta largoj edhe nga lista e të grumbulluarve për ndeshjet miqësore që Italia do të zhvillojë.
Në lidhje me këtë situatë ka folur trajneri Luciano Spalletti. Ky i fundit ka theksuar se ashtu siç ia shpjegoi mbrojtësi nuk ishte racizëm, por kemi përgjegjësi për situata të tilla.
“Nga ajo që më tha Acerbi, nuk kishte asnjë incident racizmi, por ne kemi përgjegjësi dhe duhet t’i sqarojmë gjërat. Është sigurisht një zhgënjim i madh kur merr vendime të tilla për këto episode, por duhet të jemi të kujdesshëm. U përpoqa të flisja me Juan Jesus, por telefoni i tij ishte i fikur”, ka theksuar shkurtimisht timonieri i italianëve.
Lexo gjithashtu
