Vllaznia do të luajë të shtunën kundër Laçit, në kuadër të javës së 17-të të Superiores. Një sfidë mjaft e rëndësishme për kuqeblutë që vijnë në këtë takim pas fitores 2-1 me Partizanin.
Klubi shkodran ka bërë me dije çmimet e biletave, për përballjen që do të zhvillohet në stadiumin “Loro Boriçi”.
Priten që tifozët të jenë të shumtëe, prej momentit pozitiv që po kalon skuadra. Ndryshe nga herët e tjera, këtë radhë çmimet e biletave kanë ndryshuar. Ato do të variojnë prej 200 lekë deri në 400 lekë. Në njoftimin e bërë në kanalin zyrtar të klubit shkodran thuhej:
“Tribuna VIP - 1500 lekë
Tribuna A,B - 1000 lekë
Tribuna D1,D2,D3,D4- 400 lekë
Tribuna C – 200 lekë
Tribuna E (miqtë) – 200 lekë”.
Ndeshja Vllaznia – Laçi është programuar të luhet të shtunën, në orën 16:00 në stadiumin “Loro Boriçi” të Shkodrës.
Lexo gjithashtu
