Milan e ka nisur këtë sezon në mënyrën më të mirë të mundshme, teksa në 3 ndeshje ka arritur të sigurojë 9 pikë. Ditën e nesërme kuqezinjtë do të luajnë një nga ndeshjet më të rëndësishme të sezonit. Në orën 18:00 do të sfidojnë Interin në derbin e parë për ëktë sezon në Serie A.
Pikërisht në prag të këtij takimi në konferencën për shtyp ka folur trajneri, Stefano Pioli. Timonieri i kuqezinjve ka theksuar se djemtë e tij do të luajë pa asnjë lloj frike ndaj Interit dhe do të marrin maksimumin në “Giusseppe Meazza”.
“Ne jemi duke menduar vetëm për derbin e nesërm. Jemi në fillim të kampionatit dhe kemi bërë mirë deri më tani, kështu duhet të bëjmë edhe ndaj Interit. Nuk jam kurioz të shoh se si do ta përballojmë derbin. Kam qenë kurioz para Bologna, tani nuk jam. Tani jam i bindur se si duam ta përballojmë sfidën dhe si jemi përgatitur për të. Të shohim se si do të shkojë, pasi as ne dhe as kundërshtari nuk e di këtë gjë.
Nuk më interesojnë derbit e fundit, por më intereson vetëm e nesërmja. E vetmja gjë që ka rëndësi është vendosja e zgjidhjeve për të luajtur lojën tonë. Shpresojmë që lojtarët tanë t’i kenë ruajtur golat për nesër. Duhet të jemi gjithmonë të shqetësuar. Interi luajti në të njëjtin nivel me City, por ne do të përpiqemi të bëjmë më mirë se ata.
Ne bëmë një merkato të mirë për t’u përpjekur të dëmtojmë Interin dhe të gjitha skuadrat e tjera. Do të përpiqemi të jemi më të mirët e mundshëm”, ka deklaruar Pioli.
