Milani do të luajë në transfertë përballë Slavias së Pragës, mbrëmjen e së enjtes. Sfida e vlefshme për fazën e 1/8-ve të Europa League që do të zhvillohet në “Fortuna Arena”, do të startojë në orën 18:45.
Në prag të kësaj sfide, në konferencën për shtyp para mediave ka folur edhe qendërmbrojtësi i “Djallit”, Fikayo Tomori. Anglezi shprehet i lumtur për rikthimin nga dëmtimi i gjatë. Tomori gjithashtu e thotë qartë që objektivi kryesor është fitim i Europa League.
“Jam i lumtur që po rikthehem në fushat e lojës. Do të stërvitem fort çdo ditë. Futbolli është i vështirë. Ne fokusohemi shumë tek loja sulmuese dhe pastaj pësojmë shumë gola. Do të bëjmë të pamundurën që të përmirësohemi në mbrojtje. Që në fillim të sezonit donim të fitonim çdo ndeshje. Fatkeqësisht u eleminuam në Champions League, por kemi si objektiv kryesor fitimin e Europa League”, është shprehur qendërmbrojtësi anglez.
Lexo gjithashtu
