Kastrioti do të presë nesër në shtëpi Erzenin në orën 13:00 në kuadër të javës së 20-të të Kategorisë Superiore. Krutanët janë ekipi me formën më të dobët në 5 ndeshjet e fundit teksa nuk kanë marrë asnjë fitore dhe vetëm një barazim. Suksesi i fundit i ekipit të Ardian Memës është ai përballë Vllaznisë, pkërisht në debutimin e teknikut tiranas.
Nën drejtimin e Memës, skuadra ka mbyllur përgatitjet ditën e sotme ku intensiteti ka qenë i lartë. Veç mbrojtësit Martin Prenkocevic, që po stërvitet veçmas, skuadra është e plotë dhe nesër Mema do të ketë mundësinë të hedhë në fushë ekipin më të mirë.
Kastrioti mban vendin e fundit në renditje dhe një fitore është e “detyrueshme” për krutanët në mënyrë që të vazhdojnë garën e ashpër për mbijetesë.
Lexo gjithashtu
