Masato Fukui ishte një ndër më të mirët në fushë për Skënderbeun gjatë sfidës së Superkupës kundër Kukësit në "Selman Stërmasi". Në ish-shtëpinë e tij, sulmuesi japonez shënoi golin e parë në një ndeshje zyrtare me bardhekuqtë, ndonëse nuk i mjaftoi korçarëve për të mposhtur verilindorët.
Gjithsesi, për Fukuin në pankinën e Skënderbeut ka pasur jo pak ankth pas disa ndërhyrjeve të ashpra të lojtarëve të Kukësit ndaj tij, ndërsa në ndihmë të lojtari hynë në fushë edhe mjekët e ekipit korçar.
Ndërhyrjet kanë qenë të forta, ndërsa Fukui ka kaluar me lëndime të lehta, duke bërë që sulmuesi japonez të qëndrojë pushim absolut këto ditë, ndonëse për këtë i ka ardhur në ndihmë edhe trajneri Agostineli që ka menduar të lërë pushim skuadrën gjatë tri ditëve pasardhëse pas Superkupës.
Lexo gjithashtu
