Edhe pse për momentin, situata te Skënderbeu është e qetë, duket se jo të gjithëve po iu pëlqen mënyra se si po sillen kampionët në këtë sezon.
‘Akuza’ e radhës, nëse mund të quhet e tillë vjen nga një legjendë e futbollit korçar, Dhimitraq Dembo, ish-futbollist i Skënderbeut në vitet ’70-80, i cili në një foto të postuar në profilin e tij në Facebook ka kthyer një koment një mikut të tij, i cili e komplimentonte për atë çka ka dhënë për bardhekuqtë.
Dembo shkruan: “Kemi luajtur vërtet me shpirt, e donim Skënderbeun se ishim korçarë. Tani luan paraja”.
Një “thumbim” nga ana e legjendës së futbollit korçar, edhe pse e drejtëpërdrejtë në një farë mënyre ndaj lojtarëve aktualë të Skënderbeut.
Kujtojmë se disa prej lojtarëve më të rëndësishëm të Skënderbeut, si Latifi dhe Salihi kanë pasur “shkëndija” me trajnerin Daja, duke treguar pakënaqësi për zgjedhjet e tij, ndërsa edhe Osmani së fundmi mund të ketë ndonjë hatërmbetje duke qenë se nuk është aktivizuar në ndeshjet e fundit.
Loading ...
