Sot, në orën 15:00 është luajtur takimi i radhës në Serinë B në Itali, Avellino-Salernitana, që ka përfunduar 3-2 në favor të Avellino-s. Pjesë e këtij ekipi është dhe mbrojtësi i kombëtares Berat Gjimshiti.
23 vjeçari ka nisur si titullar dhe ka luajtur për 90 minuta. Gjimshiti është kthyer në një lojtar kryesor te Avelino, i cili ka ndihmuar ekipin në marrjen e pikëve të rëndësishme për mbijetesë.
Menjëherë pas fitores, Gjimshiti ka postuar në “Facebook” një foto të publikuar minuta më parë në “Instagram” nga mesfushori italian Angelo D’Angelo, ku shihen lojtarët në dhomat e zhveshjes, duke festuar pas mbylljes së takimit.
Bashkangjitur fotos, mbrojtësi shqiptar ka shkruar: Fitore e madhe në derbi! Gëzuar Krishtlindjet të gjithëve!