Partizani do të luajë në orën 18:30 me Krasnodarin e Rusisë, ndeshje e vlefshme për fazën play-off të Europa League. Teksa skuadra ka mbërritur dje rreth mesdite në shtetin Rus, futbollisti tjetër i lënë jashtë liste, Mentor Mazrekaj, duket se po shijon momentin që ekipi nuk ndodhet në Tiranë dhe ka zgjedhur të frekuentojë sërish jetën e natës. Në një foto të postuar nga vetë ai në "InstaSnap", mesfushori kosovar ndodhet në një diskotekë në Prishtinë.
Kjo nuk është e para herë që 27-vjeçari thyen rregullat e vëna nga klubi, teksa jemi mësuar shpesh të dëgjojmë apo të shikojmë "bëmat" e fantazistit. Tashmë nuk mbetet gjë tjetër veçse të shohim se çfarë mase do të marrë klubi kur të kthehet nga Rusia, kur dihet që marrëdhëniet mes palëve janë tejet të acaruara.
[gallery columns="1" size="full" ids="27672"]
Lexo gjithashtu
