Për sa i përket Agim Ibraimit, i cili luan me Astanën dhe që ishte shumë pranë Partizanit në këtë merkato, Drejtori Sportiv i Partizanit, Edmond Haxhia në “Ora Skaner” deklaroi se ai nuk do të vijë.
“Kishim mbyllur çdo gjë dhe ishte gati të vinte te Partizani. Por, Ibraimin e bllokoi presidenti i Astanës dhe tani ai po aktivizohet tek ekipi B i Astanës. Po na e bën të pamundur ta marrim në ekip, pikërisht presidenti i klubit ku Ibrahimi bën pjesë.
Ai do të ishte i domosdoshëm për ne. Por, edhe pa atë Partizani është super dhe objektivi ynë mund të realizohet edhe pa Ibraimin.
Ekipi ynë është i dubluar në çdo pozicion. Starova ka “dhimbje koke” për shkak se nuk di kë të hedhë në fushë. Konkurrenca është e domosdoshme.
Boniface? Është rezervë e Ekubanit deri sa të marrë formën e tij. Ka ardhur për të zëvendësuar Azubelin”, tha Drejtori Sportiv i Partizanit.
Lexo gjithashtu
