PAOK-u “lë” Kaçen pas dore, 23-vjeçari në pritje të vendimit

Futbollisti i Kombëtares Ergys Kaçe është lënë në plan të dytë nga PAOK-u, pasi ende nuk i është premtuar një vend të formacion. Ai ka nisur stërvitjen me ekipin, por pritet vendimi i madh, nëse ai do të vazhdojë të luajë aty apo klubi do të kërkojë një tjetër ekip për korçarin.

Pas largimit nga Plzeni në Çeki, futbollisti shqiptar është rikthyer tek ekipi i tij, por drejtuesit e klubit e kanë lënë atë në pritje. Së fundmi, pritet që trajneri Vladimir Iviç të largojë futbollistin Gojko Cimirot për të gjetur një vend të lirë për futbollistin e kombëtares.

Ende mbetet e hapur mundësia e gjetjes së një tjetër klubi të ri për 23-vjeçarin, deri atëherë, mundësia e vetme është largimi i një tjetër lojtari për të gjetur hapësirë për lojtarin e Kombëtares.