Paga e lartë, gjiganti francez shfaq interes për yllin e Barcelonës

Samuel Umtiti mund të jetë largimi i radhës nga Barcelona.

Qendërmbrojtësi nuk ka pranuar shkurtim të pagës së merr në “Camp Nou” dhe kjo duket se ka revoltuar drejtuesit e katalanasve.

Francezi fiton 12 milionë euro nga kontrata deri në vitin 2023 me Blaugranët, një pagë tepër e lartë për arkat e spanjollëve. Olimpik Marsejë ka shfaqur interes për 28-vjeçarin, por e ardhmja mendohet të jetë te Olimpik Lion.

Skuadra ku Umtiti luajti nga viti 2011 deri në 2016 para se të kalonte në La Liga është gati të rikthejë në bazë mbrojtësin. Por edhe këtu ka një problem, me Lion që nuk është gati për të plotësuar kushtet e tij.

Formula pritet të jetë një huazim me të drejtë blerje, megjithatë francezët kanë kërkuar që paga e lojtarit duhet të ndahet mes tyre dhe Barcelonës gjatë periudhës së huazimit. Tani pritet vendimi i spanjollëve.