Sulmuesi i Napolit, Victor Osimhen ka dhënë një intervistë për mikrofonat e “Elegebete Tv Sports” Nigeriani foli për marrëdhënien e tij me trajnerin Luciano Spalleti. 24-vjeçari duket se ka një raport të shkëlqyer me teknikun që po e udhëheq Napolin drejt një suksesi të jashtëzakonshëm.
“Më pëlqen, sepse ai ka të njëjtin mentalitet si unë”, shprehet Osimhen. “Ai nuk beson se është bërë diçka derisa të kryhet në të vërtetë. Dhe ai na e transmetoi këtë të gjithëve në dhomat e zhveshjes. Ky është çelësi, sekreti, mentaliteti i gjithë ekipit. Dhe ata që kanë qenë te Napoli për një kohë të gjatë si unë: Di Lorenzo apo Mario Rui, po përpiqemi për të hyrë në mendjen e shokëve të tjerë për t’i bërë ata të kuptojnë se çfarë kemi kaluar në sezonet e fundit, ku kemi luajtur, si kemi jetuar, çfarë do të thotë të luash dhe të fitosh këtu.
Ky është mentaliteti i duhur, kjo është ëndrra që po realizohet. Për ta bërë realitet ne mund të shpresojmë në të, por duhet të bëjmë mirë në ndeshjet e ardhshme për t’u shpallur kampionë”, ka përfunduar Osimhen.
