Presidenti i Federatës shqiptare të futbollit, Armand Duka i ka dalë në mbrojtjes Elseid Hysajt. Mbrojtësi i Kombëtares shqiptare është vënë në qendër të kritikave nga tifozët fashistë të Lazios pasi këndoi këngën "Bella Ciao" që njihet si himni i partizanëve.
Tifozët kanë shkuar deri aty sa kanë shpalosur një baderol duke e quajtur Hysaj krimb. Lidhur me këtë situatë ka reaguar edhe presidenti Duka duke mbrojtur lojtarin kuqezi.
Postimi i Armand Dukës:
I dashur Elsi,
Ti je dhe do të mbetesh jo vetëm një futbollist i mrekullueshëm, por edhe një personalitet i botës së futbollit. Fakti që ke kënduar një këngë, as e cënon e as i jep të drejtë askujt që të vër në dyshim personalitetin tënd.
Jam koshient se vlerat e tua do të triumfojnë përballë dhunës verbale e idiologjike, që nuk kanë asnjë lidhje me futbollin dhe vlerat e këtij sporti magjik.
Vazhdo puno e stërvitu, jep më të mirën tënde siç ke bërë gjithmonë. Ne të gjithë të duam e të mbështesim.
Lexo gjithashtu
