Rafael Leao është kthyer në objektivin e merkatos së verës për Los Blancos, pasi dështoi nënshkrimi me Mbappen. Ylli i sulmit kuqezi ishte ndër lojtarët më të dalluar të Milanit që u shpall kampion, dhe për këtë ra nën radarët e madrilenëve.
“Jam te Milan, kam dy vite të tjera të mbetura në kontratën time dhe ndihem si në shtëpi aty. Jam i lumtur të dëgjoj Milanin që thotë se jam i paprekshëm. Zërat për interesin e Real Madrid më bëjnë të lumtur, por do qëndroj me këmbë në tokë. Jam i lumtur të punoj me lojtarë të tillë që kanë eksperiencë”, u shpreh Leao.
Në këtë mënyrë portugezi tregon dëshirën e tij për të qëndruar te Milan, por nuk mohon se do i pëlqente transferimi në Madrid. Këtë sezon, 22- vjeçari ja doli të shënojë 11 gola në Milanin që u shpall kampion.
Loading ...
