Ansi Agolli mezi pret që të jetë nesër në fushë ndaj Skocisë, por në konferencën e sotme për shtyp ku ai doli me trajnerin e Kombëtares sonë Christian Panucci veterani i krahut të majtë të mbrojtjes theksoi se nuk ka rëndësi nëse nesër do të luajë apo jo. Futbollisti i Qarabagut veçoi se çdo lojtar që thirret nga përfaqësuesja duhet të jetë i gatshëm të luajë për të.
“Çdo kapiten e ka për detyrë të vijë këtu. Çdo lojtar që vjen në Kombëtare e ka për detyrë për të luajtur. Zgjedhjet i bën trajneri. Më vjen a s’më vjen keq e di trajneri. Rëndësi ka skuadra. Mendoj se shokët e skuadrës e kanë parasysh atmosferën nesër në stadium. Do të jetë një atmosferë shumë e mirë për çdo lojtar që vjen atje. Ta shfrytëzojmë sa më mirë këtë rast për të luajtur më të qetë.
Gjatë kësaj periudhe kam bërë maksimumin në stërvitje. Pastaj nuk e di, trajneri e tha që nuk është zgjedhur formacioni. Shpresoj të jem. Binaku ka bërë paraqitje shumë të mirë. Më ka bërë përshtypje adaptimi që në ndeshjen e parë në një kohë shumë të shkurtër. Po kështu dhe Gavazaj. E kanë kaluar mjaft mirë këtë provë”, u shpreh përpara mediave në konferencën për shtyp Agolli.
Loading ...
