Atalanta ia doli që të mposhtë edhe në ndeshjen e dytë Valencian. Në "Mestalla", të besuarit e Gasperinit fituan 3-4, teksa shkruan historinë në fazën e 1/8 në Uefa Champions League. Një ndër lojtarët deçizivë të prapavijës së italianëve ishte Berat Gjimshiti.
Mbrojtësi i Kombëtares kuqezi e nisi titullar sfidën, duke u vlerësuar maksimlisht nga EuroSport. Nota 7 për 27 vjeçarin, që ishte më i miri për të tijtë sa i takon fazës mbrojtëse. "I përgjegjshëm, i sigurt në avancimet para dhe i vendosur në fazën mbrojtëse. Mbrojtës me besueshmëri të madhe”, shkruan Eurosport. Në ndeshjen e parë, fituar 4-1 në "San Siro", Gjimshiti nuk iu gëzua suksesit, pasi një dëmtim në nxehmje e mbajti jashtë fushe. Kështu, Atalanta vijon në Ligën e Kampionëve, me Gjimshitin që është një "shkëmb" në mbrojtje.
Lexo gjithashtu
