Arbitrimi është një punë aspak e lehtë, ndoshta më e vështira në botën e futbollit. Gjithmonë flitet për presionin psikologjik që kalojnë ekipet, lojtarët e trajnerët në ndeshje të mëdha, apo në momente të këqija, por presion më të madh se tek gjyqtarët, zor se ka. Të kontestuar çdo herë në vendimet që marrin, edhe sikur të jetë një faull flagrant. Mirëpo, dikush duhet ta bëjë këtë detyrë dhe shumë të rinj shqiptar po i bashkohen futbollit edhe nëpërmjet bilbilit. Gjyqtari i njohur i futbollit shqiptar, Laver Alla, u ka bërë thirrje të gjithëve në rrjete sociale ku i fton të bëhen pjesë e botës së arbitrimit, teksa ndan një postim të Bashkimit të Arbitrave Shqiptarë të Futbollit. Këtë mesjavë të gjithë gjyqtarët në UEFA Champions League do të mbajnë një fanellë të edicionit special me shkrimin "Bëhu arbitër". Kjo është vetëm një nga nismat e fushatës, e parashikuar nga UEFA, për të nxitur rekrutimin e 40.000 arbitrave të rinj në të gjithë Evropën. -POSTIMI I LAVER ALLËS- -POSTIMI I B.A.SH.F-

 

View this post on Instagram

 

A post shared by Bashkimi i Arbitrave Shqiptarë të Futbollit (@b.a.sh.f)