Shkodranët kanë pasur shumë lojtarë në provë këto ditë, ku për trajnerin Armando Cungu në fillim duhet siguruar porta dhe mbrojtja. Tekniku shkodran mendon se skuadra e tij ka probleme në mbrojtje, ndërsa ka thirrur Jasmin Agoviç për t’u provuar për portën, ndërsa një tjetër lojtar malazez është parë ditët e fundit në radhët e shkodranëve.
Bëhet fjalë për Danijel Zindoviç. Futbollisti 20-vjeçar i ligave të ulëta të futbollit malazez luan në mbrojtje, ndërsa sezonin e fundit është aktivizuar me Brskovo Mojkovac. Ai luan në të majtë të mbrojtjes, ndërsa Cungu do ta vëzhgojë Zindoviç deri në përfundim të kësaj jave, ku do të ketë dhe një ndeshje miqësore me Deçiç të shtunën.
