Sulmuesi i Skënderbeut Blerim Krasniqi është shprehur për "RTSH Sport" se nga ndeshja me Kastriotin në transfertë, korçarët do të kërkojnë të marrin fitoren dhe padyshim që do të jenë në garën për titull.
Gjithashtu, Krasniqi ka thënë se edhe ai vetë nuk ka qenë në formën e tij më të mirë, duke mos dhënë maksimumin.
"S'kemi pasur fatin me vete në javët e fundit. Personalisht nuk kam qenë në maksimumin tim, shpresoj me pak fat të rikthehemi si në ditët tona më të mira.
Ndeshja me Kastriotin
"Sa i përket ndeshjes së radhës me Kastriotin në transfertë, Krasniqi ka shtuar se: "Në ndeshjen e radhës me krutanët shkojmë të bëjmë më të mirën, në futboll s'ka ekipe të vogla e të mëdha, vendos fusha. Skënderbeu do të jetë në betejën për titull, por ka edhe shumë ndeshje dhe do të bëjmë më të mirën në vijim duke filluar që nga Kastrioti", ka thënë Krasniqi.
Lexo gjithashtu
