Pas përfundimit të ndeshjes mes Atalantës dhe Juventusit, Dusha Vlahovic ka rënë pre e thirrjeve raciste. Tifozët bergamaskë dëgjohet teksa thonë në kor: “Ti je cigan!” Kjo ngjarje ka shkaktuar mjaft polemika e madje ka vënë në lëvizje strukturat e drejtësisë së futbollit.
Për këtë rast ka reaguar edhe presidenti i FIFA-s, Gianni Infantino, i cili nëpërmjet një deklarate ka theksuar se në futboll nuk ka vend aspak për racizëm dhe sjellje të tilla dënohen rëndë.
“Në futboll nuk ka vend për racizëm apo ndonjë formë tjetër diskriminimi. Fyerja raciste është absolutisht e papranueshme e drejtuar dje nga tifozët ndaj Dushan Vlahovicit, sulmues i Juventusit, gjatë ndeshjes Atalanta-Juventus.
Ky nuk është një episod i izoluar dhe kërkoj nga autoritetet kompetente që të garantojnë zbatimin e sanksioneve të ashpra për t’iu kundërvënë episodeve të tilla.
Unë dhe FIFA jemi përkrah Dushan Vlahovicit, kështu si ndaj çdo lojtari tjetër, trajneri, zyrtari të ndeshjes, mbështetësi ose pjesëmarrësi në një ndeshje futbolli, i cili i është nënshtruar diskriminimit racist.
Viktimat e këtij abuzimi duhet të mbështeten dhe autorët të ndëshkohen siç duhet nga autoritetet. Theksoj edhe një herë se fansat duhet të mbajnë qëndrim dhe t’u mbyllin gojën racistëve”.
Më pas mesazhi i fundit, i shkruar me germa të mëdha: “Një herë e përgjithmonë: Jo racizmit! Jo çdo forme të diskriminimit!”
