Chelsea do të luajë ditën e sotme në shtëpi përballë Fulham në kuadër të javës së 21 të Premier League. Sfida që do të zhvillohet në stadiumin “Stamford Bridge” do të startojë në orën 13:30.
Përsa i përket Armando Brojës, sulmuesi i Kombëtares shqiptare me shumë gjasa do ta nisë sfidën titullar. Pasi nuk luajti nga minuta e parë në ndeshjen përballë Middlesbrough në EFL Cup, shqiptari pritet të rikthehet me fanellën e titullari.
Pochettino me shumë gjasa do t’i besojë Brojës majën e sulmit, duke patur parasysh mungesën e Nicolas Jackson i cili është grumbulluar me kombëtaren e Senegalit. Në krahun tjetër gjendja e Nkunku nuk është e mirë, me sulmuesin francez që vazhdon të ketë probleme fizike.
Ditën e sotme është një tjetër shans i “artë” për Armando Brojën, me këtë të fundit që ka mundësinë që të gjejë rrugën e rrjetës dhe të fitojë më shumë besimin e trajnerit argjentinas, Mauricio Pochettino.
FORMACIONI I MUNDSHËM I CHELSEA-T:
CHELSEA: Petrovic: Malo Gusto – Disasi – Thiago Silva – Colwill: Caicedo – Fernandez – Gallagher: Sterling – BROJA – Palmer.
Lexo gjithashtu
