Njeriu në jetë has shumë vështirësi dhe sprova. Një e tillë i ka qëlluar edhe ish futbollistit të Tiranës, Gentian Muça. Kujtojmë që lojtari i Prishtinës mposhti tumorin pak vite më parë. Në një intervistë për Wake Up në Top Channel, Muça u shpreh se vetëm besimi ishte ajo që e mbante gjallë, e faktikisht edhe "çelësi" i suksesit.
"Është e vërtetë që një sprovë e tillë mos i rëntë asnjë njeriu. Në të tilla raste gjëja e parë që duhet është durimi, që na sprovohet. Nuk ka gjë më të madhe sesa një besimtari t'i dhurohet një durim i mirë, aq më tepër në të tilla raste, ruajtja e qetësisë.
Të jesh besimtar nuk është e thjeshtë pasi duhet që çështjen tënde t'ia lësh në dorë vetëm Zotit. Besimi evoluon ndër vite, ndoshta para disa vitesh do reagoja ndryshe. Por, besimi është skalitur tek unë dhe ka lënë tek unë gjurmë shumë të thella. Zoti ka thënë se në raste sprovash njeriu duhet të bëjë durim fillimisht, të merret me shkaqet dhe pastaj t'i drejtohet atyre që shërojnë" - Tha Muça.
Lexo gjithashtu
