Manchester United mesa duket është kthyer te rezultatet pozitive, ku në sfidën e fundit mori fitoren e tretë radhazi. “Djajtë e kuq” morën një triumf mjaft të rëndësishëm duke mposhtur në transfertë Aston Villan me rezultatin 1-2.
Një fitore që vjen në momentin më të përshtatshëm për United, të cilët ngjiten në vendin e gjashtë në kuotën e 41 pikëve. Pas kësaj sfide ka folur edhe trajneri i United, Erik Ten Hag. Trajneri holandez e quan fitore të madhe. Gjithashtu ai shton se ekipi ka gjetur mentalitetin e duhur.
“Fitore e madhe. Më pëlqeu shumë skuadra, sidomos në 20 minutat e para. Kontrolluam ndeshjen edhe pas golit të parë, por humbëm shumë raste. Kishim disa mundësi të mira në kundërsulm.
Luftuam fort për të marrë tri pikët edhe pasi rezultati u barazua 1-1. Jam i lumtur që arritëm të fitonim këtë përballje me intensitet të lartë. Në minutat e fundit u zhvillua një lojë e hapur nga të dyja skuadrat.
Më vjen mirë që kemi rigjetur mentalitetin e duhur. Nevojitej një karakter i fortë për të thyer Aston Villën në fushën e vet. Më pëlqyen edhe lojtarët që erdhën nga pankina”, është shprehur Ten Hag.
Lexo gjithashtu
