Sulmuesi spanjoll i Juventus, Alvaro Morata është rrëfyer për ecurinë e këtij sezoni dhe rikthimin te bardhezinjtë.
Ai ka theksuar për Sky Sport se të luash krah Dybala dhe Ronaldo është një nder dhe për këtë do ju flasë fëmijëve të tij kur të rriten. Spanjolli flet me superlative për bashkëlojtarët te Juventus, teksa “nge në qiell” portugezin.
“Është shumë e lehtë të luash me Cristianon, unë e njoh atë prej një kohe të gjatë. Në situata normale, në të cilat një lojtar normal nuk do të shënonte, ai shënon.
Cristiano është thjesht fantastik. Ka cilësi të jashtëzakonshme dhe mund të luajën ku të dojë. Ajo që unë mund të bëj është që të argëtohem dhe të shpresoj që të luaj me të për një kohë të gjatë. Jam rritur duke e parë Ronaldon dhe kur mësova se do të jem në një ekip me të u entuziazmova.
Gjithashtu është nder për të luajtur me Dybalan. Ata janë lojtarë të klasit të parë. Unë do t’u them fëmijëve të mi se kam luajtur me Cristianon dhe Dybalan”, tha Morata.
Loading ...
