Milani me trajner të ri, kontratë 2-vjeçare për 2.3 milionë euro

Vinçenco Montela është trajneri i ri i Milanit. Të martën, afër mesnatës, ka ardhur edhe njoftimi zyrtar i kuqezinjve, pasi është zgjidhur edhe pengesa e fundit, ajo mes Montelës dhe Sampdorias. “Aeroplani” merr kështu drejtimin e Milanit, pas hapit pas të bërë nga Kristian Broki. Montela ka firmosur një kontratë dyvjeçare dhe do të përfitojë 2.3 milionë euro nga klubi milanez. Ndërkohë, në arkën e Sampdorias do të shkojë një shumë prej 500 mijë eurosh, pasi vetëm kështu kjo skuadër mund ta lironte trajnerin e saj.