Milan ka zhgënjyer sërish dje, teksa është mposhtu nga Lazio në "San Siro". Djemtë e Piolit kanë kaluar të parët në avantazh, por nuk I kanë bërë ballë furisë së "shqiponjave", ekip ku u aktivizua titullar edhe Strakosha. Lacialët triumfuan 1-2 në fund, duke zhytur kuqezinjtë edhe më poshtë. Ekipi që prej pak ditësh drejtohet nga Stefano Pioli mban vendin e 12, me vetëm 13 pikë të siguruara.
Në kampin e "Djallit" duket se problemet nuk kanë fund, pasi veç rezultateve shqetësojnë edhe dëmtimet. Mbrëmë ishte Castillejo që u detyrua të dilte I dëmtuar, si pasojë e një tërheqje muskulare. Për Suson situata është e njëjtë. Spanjolli nuk ishte i gatshëm dje, duke vuajtur dëmtimin në ligamentin e kofshës së majtë. Nuk dihet ende koha e rikuperimit të lojtarëve, por gjasat janë që të mungojnë në sfidën ndaj kampionëve të Juventus.
Lexo gjithashtu
