Një tjetër lojtar shqiptar duket se do të shtohet në “koloninë” shqiptare në kampionatin grek. Pas Migjen Bashës që kaloi te Arisi i Selanikut, tashmë edhe mbrojtësi Mërgim Mavraj pritet t’i bashkohet atij në qytetin verior të vendit fqinj.
Lajmi është publikuar në mediat greke, sipas të cilave është pikërisht ish-mesfushori i Torinos ai që po negocion mes palëve, pasi sipas informacioneve ish-mbrojtësi i Hamburg nuk po bindet nga oferta financiare e klubit nga Selaniku.
Mavraj u largua nga ekipi gjerman së fundmi, dhe një kalim të skuadra e rikthyer në elitën e futbollit grek këtë sezon nuk do të ishte një opsion shumë i keq për të, në vigjilje të Ligës së Kombeve.
Loading ...
