Elseid Hysaj është kthyer në një ndër lojtarët shqiptarë më të komentuar në mediat përtej Adriatikut. Së fundmi, emri i mbrojtësit shkodran nuk është komentuar për mirë pasi flitet për një bllokim të rinovimin me Napolin.
Shkaktar është bërë menaxheri i Hysajt i cili ka kërkuar nga skuadra italiane kushte të reja në rast se këta të fundit e duan mbrojtësin në skuadër pas përfundimit të kontratës. Nisur nga ofertat e majme që kanë ardhur këtë verë për Hysajn, konkretisht nga Chelsea që ofronte një rrogë prej 4 milionë eurosh për shqiptari, ka bërë që Mario Xhiufredi të kërkojë 3 milionë euro nga Napoli për futbollistin kuqezi.
Kjo gjë nuk iu ka përlqyer drejtuesve të klubit italian të cilët kanë kthyer një përgjigje negative për këtë kërkesë duke mbyllur gjithçka këtu për ta hapur si çështje në momentin që Hysajt i përfundon kontrata.
Lexo gjithashtu
