Mançesteri e nis si pretendent, fitore bindëse në transfertë

Skuadra e Mançester Junajtid e ka filluar si pretendente kryesore sezonin e ri në Premier League.

“Djajtë”e drejtuar nga Hoze Murinjo, pasi fituan Superkupën e Anglisë duke mposhtur kampionët e Lestërit me shifrat 2-1, kanë treguar forcën e tyre edhe sot në kampionat teksa kanë mposhtur në transfertë skuadrën e Bornmuthit me shifrat 1-3.

Golat për Mançesterin u shënuan nga Huan Mata në minutën e 40, Uejn Runi në minutën e 59 dhe Zllatan Ibrahimoviç në minutën e 64-t. Në minutën e 69, Smith ngushtoi diferencën për vendasit.

3 pikë dhe një lojë bindëse që në start e vendosin Mançesterin e Murinjos si pretendentin kryesor për titull. Blerja më e shtrenjtë në historinë e futbollit, Pogba, nuk debutoi ditën e sotme si pasojë e një pezullimi për kartona i mbartur që nga Juventus.