Kukësi dhe Bashakshehiri i Sokol Cikalleshit u përballën pak ditë më parë në një ndeshje miqësore, të cilën e fitoi skuadra turke ku aktivizohet sulmuesi kuqezi.
Një sfidë e cila vendosi Cikalleshin përballë ish-skuadrës së tij, ndërsa pas ndeshjes, kavajasi nuk i kurseu as lëvdatat për Kukësin dhe i uroi të fitonte titullin kampion.
Por, pak orë më parë, Cikalleshi dhe Shameti nuk i kanë kursyer ngacmimet mes tyre dhe as batutat pas një fotoje të postuar nga mbrojtësi i Kukësit.
Në foto duket Shameti dhe Cikalleshi duke dyluftuar, ndërsa sulmuesi i Bashakshehirit i shkruante në koment me ngacmim: “Si e dha albitri faull këtë rast, nuk e kuptoj”, ndërsa mbrojtësi i Kukësit, aspak i bindur se kishte bërë faull ndaj sulmuesit kavajas ia kthen: “Pse faull ishte ky? Unë topin kam pasur”.
Lexo gjithashtu
