Janë luajtur ditën e sotme dy sfidat mbyllëse të javës së 21 të Superligës së Kosovës. Ndeshje mjaft interesante, rezultatet e të cilave kanë ndikuar edhe në garën për titullin kampion.
Llapi ka fituar në transfertë përballë Fushë Kosovës me rezultatin e pastër 3-0. Golat për ekipin e drejtuar nga Tahir Batatina, u shënuan nga Namani, Hyseni dhe Blakqori. Me këtë fitore Llapi shkon në kuotën e 43 pikëve, duke “kërcënuar” Ballkanin e Ilir Dajës që ndodhet në vendin e parë me 44 pikë. Në krahun tjetër Fushë Kosova mbetet në vendin e parafundit me 11 pikë.
Ndërsa ndeshja e tjetër, ajo mes Dukagjinit dhe Lirisë përfundoi me fitoren e vendasve me rezultatin 2-1. Golat për Dukagjinin u shënua nga Zulfiji dhe Morina, ndërsa rrugën e rrjetës për Lirinë e gjeti Spahiu. Kështu Dukagjini shkon në kuotën e 30 pikëve në vendin e gjashtë, ndërsa në fundin e klasfikimit Liria mbetet me 9 pikë.
[caption id="attachment_724842" align="alignnone" width="653"]
Tabela e klasifikimit të Superligës së Kosovës[/caption]
Lexo gjithashtu
