Milan do të luajë ndeshjen e fundit të këtij sezoni ndaj Veronas. Një sfidë mjaft interesante dhe e veçantë do të jetë për 2 nga lojtarët e kuqezinve. Rafael Leao ka rinovuar me italianët dhe nedër do të zbresë në fushë më një ndjenjë tjetër.
Ndërkohë Zlatan Ibrahimovic do të ketë ndeshjen e fundit me fanelën e Milan, pasi suedezi do të largohet nga “San Siro” në fund të sezonit. Për të folur për sfidën me Veronën, largimi e Ibras dhe rinovimin e Leaos ishte trajneri Stefano Pioli.
Leao? “Ai ka qenë në zyrën time 178 herë (qesh). Mendoj se meritat për rinovimin e tij u shkojnë drejtuesve. Zgjatja e kontratës së Leao ishte diçka shumë e rëndësishme për grupin. Kam qenë gjithmonë i sigurt që ai do të qëndronte. Ne kemi një marrëdhënie të shkëlqyer.”
Verona? “Ne duam të mposhtim Veronën sepse do të luajmë përpara 70 mijë tifozëve. Duam të japim maksimumin dhe të bëhemi skuadra me më shumë pikë në shtëpi pas Napolit.”
Largimi i Ibras? “Më vjen keq që Zlatan nuk është në dispozicion nesër, ai u përpoq, por nuk ia doli dot. Unë dhe ai kemi folur këto ditë, por ajo që u tha mbetet mes nesh. Ibra dhe klubi kanë vendosur për të ardhmen”, ka përfunduar Pioli.
