Arda Turan me shumë mundësi do të transferohet në Kinë në merkaton e dimrit. Mësohet, se “ylli” i Barcelonës do të përfitojë 50 milionë euro për tre sezone. Oferta e majme, ka bërë që drejtuesit e Barcelonës të fillojnë të bëjnë llogaritjet, pasi përfitimet do të ishim të mëdha.
Lajmin për largimin e mundshëm të Turan drejt Kinës e ka bërë të ditur gazeta turke “Fanatik”, e cila shkruan: “Kina tenton Arda Turan, 50 milionë euro për tre vjet”.
Klubi kinez që mund të bashkohet në janar Turan quhet Guangzhou Evergrandes. Ndërkohë pritet një tjetër konfirmim për të zyrtarizuar kalimin e ish-lojtarit të Atletiko Madridit drejt Kinës.
