Në FSHF ka ndryshuar struktura organizative. Nëpërmjet një njoftimi në faqen zyrtare, bëhet me dije që nga data 1 janar puna ka nisur të funksionojë sipas strukturës që u aprovua në Komitetin Ekzekutiv në mbledhjen e fundit të dhjetorit.
“Nga data 1 janar 2017 FSHF ka nisur funksionimin e punës mbi bazën e një strukture të re organizative, aprovuar në Komitetin Ekzekutiv në mbledhjen e fund-dhjetorit të kaluar. Departamenti i Futbollit dhe Departamenti i Administratës janë dy arteriet kryesore të funksionimit të FSHF-së, të cilat pasojnë me sektorët përkatës. Denis Bastari do të drejtojë një nga 2 Departamentet e lartcituara, atë të Administratës që përfshin sektorët funksionues, sic janë ai i Marketingut, PR dhe Medias, Sektori i Marëdhënieve Institucionale dhe Projekteve, apo edhe Financat me Sektorin e shërbimeve të brendëshme dhe Komplekseve sportive në varësi të FSHF-së. Një skemë ndryshe e cila ka qenë e mirëmenduar dhe mbi bazën e së cilës operon tashmë të gjithë punën e saj administrata e Federatës. Drejtoria Teknike nuk ka ndryshuar, teksa të dy Departamentet do të kurohen edhe nga Sekretari i Përgjithshëm, Ilir Shulku. Presidenti i FSHF-së Armand Duka së bashku me Komitetin Ekzekutiv vendosën të riformatojnë funksionimin e administratës së FSHF-së, dhe tashmë ajo është fakt. Organigrama e plotë e skemës së re është e plotë dhe e hapur për të gjithë në faqen online të FSHF, ëëë.fshf.org”, shkruhet në njoftimin e FSHF-së.
