Klubi i Kukësit nuk është i kënaqur me gjykimin në ndeshjen ndaj Partizanit, nisur nga episodi i anulimit të golit të Eminit, në minutën e 30-të të takimit. Një gjë të tillë, klubi verilindor e ka bërë të qartë përmes një deklarate për shtyp në faqen zyrtare në internet.
Sipas klubit të Kukësit, pozicioni i sulmuesit Izair Emini është dukshëm në pozicion të rregullt dhe çuditërisht goli u anulua nga arbitri i linjës Ridger Çokaj.
Klubi i Kukësit do të bëjë depozitimet përkatëse në FSHF kundër këtij arbitri duke kërkuar dënimin maksimal të tij. Gjithashtu kërkon që të mos gjykohet më nga anësori Çokaj, pasi vendimet e tij sipas verilindorëve janë në dëm të Kukësit, në mënyrë të përsëritur.
https://www.youtube.com/watch?v=qkLbA6w7lW8&feature=youtu.be
Lexo gjithashtu
